كتب/وائل عادل
البطاله مرض يهدد وطن
اولا او واحد ايهما اقرب….
ربنا سبحانه وتعالي ونبينا عليه الصلاه والسلام احسونا علي العمل وربنا وصف العمل بالعباده ….دا من الناحيه الدينيه
اما بمجتمعنا …اصبح العمل هو قهوه وكافيه وكافتيريا …بيقعد عليها شباب زي الورد بفلوس المصروف بتاع البيت اللي اخدتها رأفتآ من امه؟؟؟ مش متخيلها بس حقيقه …والمصيبه ان شباب زي الورد بكالريوس وغيره وغيره شغال يوم باليوميه وقاعد عشرووووميه
الانيل من كل دا ان فيه مايقرب عن 20 مليون مواطن ضايعين مابين القهاوي والشوارع وغرفه مالوش نفس يخرج براها….وفيه ناس بتمووووت بملاليم في قطاع خاص واهو الاسم شغال!!!؟؟
الحد الادني والحد الاقصي بنسمع عنهم فقط في الكتب …يعني اللي شغال حلو عليه اوي الف جنيه ويطفح الدم سنين علشان يوصل لالف ونص ويطلع معاش دا ان طلع اساسا مابيلحقش بيفصلوه تعسفي وغيره وغيره …وكل دا علشان لا قانون بيحمي العامل ولا مكتب عمل مابيقبضش من اصحاب المصانع والشركات ويروح يجيب للعامل حقه …يعني الصابونه مع استماره سته واتزحلق وهوينا….
سيدي المسئول …اي كان وزير او برلماني او رئيس ….البطاله ناقوس خطر يهدد مصر ….نعم اكثر الشعوب نحن بطاله…واكثرها سعيا للغربه
واكثرها فقرا وذلآ …وتقولون انها مليئه بالثورات …وانها قد الليمونه وهتبقي قد الرتقاله ان شاء الله …قد الدنيا …
سيدي المسئول بعد انجازتكم التي لم يستطع احد تقديما في عشرين سنه …وقدمتموها في عامين
ماذا عاد علينا كمصرين عاطلين او عاملين من قناه السويس
ماذا عاد علينا من مشاريعكم التي لانعلم عنها شيئآ الا شو اعلامي
سيدي الريس اسمعها مني انا بقا علشان انا بسمع كلامك ومابسمعش لحد غيرك انت وامي وبس
لو انا شغال مش هعول هم رغيف عيش
لو انا شغال مش هعول هم علاج ولبس ومصاريف بيت
لو انا شغال عمري ماهفكر اهج واسيب وطني
لو انا شغال وبقبض اللي يكفي بيتي واهلي ويكون ليا سند وقت مرضي
عمري ماهفكر غير اني انتج واكبر واخدم وطني
عمري ماهقول يرحل ولا برلمان فاشل وحكومه تعبانه
عمري ماهقول نواب في البطاطا وريس في النوم في العسل
عمري ماهقول ااااااه في وطن
تخيل كدا ان كل حاجه بنشتريها بورق اسمه فلوس
وعلشان نجيب الورق لازم نشتغل
وعلشان اشتغل واحس بامان لازم حقوق تحميني
وعلشان تحميني لازم توفرلي قوت يومي
سيدي الرئيس نصرخ فاصرخ في نوابكم وحكومتك ومعاونيك من سكرتاريه ليس الا….
انقذوا الشباب واغلقوا هذا الباب الذي ان استطعتم غلقه …اصبح هموم الناس بعده هشه….ولكن نعلم ان العدد سيزيد
وبرلمان وحكومه ومسئولين ايدها في مياه ليست بنار ….وافواههم ستنطق لك كله تمام
بس مفيش حاحه تمام والله ياريس انزل شوف علي القهوه بنفسك #كاتب_اولا_ساخر_ثانيا_مصري_دائما
